Selena Gomez di si të rrëmbejë vëmendjen. Këtë herë ajo na magjepsi me një kombinim që ndërthurte elegancën me thjeshtësinë.
Këngëtarja dhe aktorja publikoi së fundmi foto nga paraqitja e saj në “Match Game”, ku u shfaq pranë Cara Delevingne, e veshur me një fustan të zi prej sateni që përqafonte siluetën e saj me një finesë të përkryer.
Fustani binte menjëherë në sy për shkak të harkut prej kadifeje që kryqëzohej përpara, duke formuar një shpinë në stilin "racerback”, një detaj që shtonte një lloj thjeshtësie mbi elegancën klasike. Pamja kompletohej nga bizhuteri të rafinuara nga Agapée: një palë vathë minimalistë dhe një unazë fine, që i jepnin shkëlqim të lehtë dhe të sofistikuar gjithë kombinimit.
View this post on Instagram
Pamja e saj ishte e kuruar deri në detaj. Flokët, të stiluar thjesht me një ndarje në mes, kombinonin klasiken me modernen, ndërsa manikyri rozë-nude dhe grimi natyral, theksonin natyralitetin. Lapsi i syve në stilin “cat-eye”, nuancat e ngrohta kafe dhe buzët në ton rozë krijonin një pamje të butë, por joshëse, por që nxirrte në pah bukurinë e saj.
Ndaj, nëse keni ndonjë event në të ardhmen, ky është i vetmi ‘look’ nga i cili duhet të inspiroheni.
Ide të ngjashme:
