Në prag të zgjedhjve për president, as kandidatja Hillary Clinton nuk i shpëtoi dot premtimeve elektorale. Së fundmi, ajo ka deklaruar se nëse arrin të fitojë, Hillary do lejojë nxjerrjen e informacionit rreth asaj çfarë ndodh në zonën 51.
Zona 51 është një laborator i madh i forcave ushtarake amerikane i vendosur në shkretëtirën e Nevadës, ku prej kohësh thuhet se kryhen eksperimente me trupa dhe objekte jashtëtokësore. E ftuar në emisionin e Jimmy Kimmel, Hillary tha se do ekspozonte çdo informacion që nuk cënon sigurinë kombëtare. “Do doja ta bëja dhe unë ashtu si Bill disa vite më parë. Do doja që ne t’i lexonim ato dosje me të dhëna dhe nëse nuk ka asgjë për t’u zbuluar, ashtu si është thënë deri tani, atëhere le ta vërtetojmë këtë gjë” tha ajo.
Por ky duket më shumë si një premtim duke qenë se Hillary synon moshat e reja të popullsisë. Kjo ide përforcohet akoma më shumë nga fakti që më para edhe Bill Clinton dhe administrator i NASA-s e kan vizituar zonën dhe s’kanë gjetur asgjë interesante. “Një pjesë e mirë e teknologjisë prodhohet atje dhe unë nuk gjeta as alienë, as anije kozmike” ka thënë ish-presidenti Bill Clinton gjatë vizitës që ka bërë kur shërbente si president i SHBA-ve.
Burimi: The Independent / Përshtati: Ergisa Bejkollari
