Nuk është e nevojshme as ta keni përjetuar ose të keni qenë dëshmitar për të kuptuar se të sjellësh në jetë një fëmijë është një nga përvojat më të dhimbshme. E siç ka zbuluar një nënë e re në Reddit, disa burra nuk e përballojnë dot as të jenë dëshmitar në sallën e lindjes.
I dashuri i një nëne të re i tha asaj se e kishte vënë në siklet gjatë lindjes sepse ajo bërtiste shumë. Ai i kërkoi që të qetësohej dhe madje mbuloi fytyrën me duar në një moment, i sikletosur.
Si nëna ashtu edhe babai janë 20 vjeç, kështu që ndoshta reagimi varet pjesërisht nga mosha. Megjithatë, kjo nuk e justifikon mungesën e ndjeshmërisë së tij.
“Unë pata një lindje natyrale dhe [i dashuri] im ishte aty gjatë gjithë procesit”, shkruan ajo në postimin në Reddit. "Unë bërtisja SHUMË dhe sa herë që e bëja ai pëshpëriste ‘mund të ndalosh së bërtituri, po më turpëron vërtet’.”
"Kur mbajta dorën e mamisë për ngushëllim, ai pëshpëriti 'lëshoje atë, mjaft le nam."
Njerëzit, si ata në internet ashtu edhe në jetën reale të nënës se re, e kanë nxitur atë të ndahet nga i dashuri i pandjeshëm. Shumë njerëz i kanë konsideruar reagimet e tij si “flamuj të kuq” për prindin që do të jetë.
Ajo shkroi më pas se kur u përball me të dashurin për të shkuar në terapi për çifte, ai shpërtheu dhe filloi të bërtiste në mënyrë abuzive ndaj saj dhe foshnjës. Pas kësaj, ajo i dha fund marrëdhënies.
Siç thotë një shprehje e famshme e Maya Angelou, "kur njerëzit të tregojnë se kush janë, besoji që herën e parë".
- Shtatzënia dhe rregullat për të shkuar në plazh
- Ju shpjegojmë deklaratën virale të Diola Dostit: ‘Ngela shtatzënë pasi konsumova vaj kanabisi’
- Seksi gjatë shtatzënisë: Disa pozicione për kënaqësi maksimale
- Gjaku me rezus negativ dhe shtatzënia: Çfarë duhet të dini
- Sheh në ëndërr sikur je shtatzënë? Ja kuptimet e mundshme
Burimi: Your Tango
