Llogaria e verifikuar e Instagram-it të Tina Knowles “pëlqeu” një postim nga një media që raportonte për akuzën e përdhunimit ndaj dhëndrit të saj, Jay-Z, por nëna e Beyonce ka mohuar gjithçka.
Nëna e këngëtares u shpreh se nuk ishte ajo që e pëlqeu atë postim.
Në screenshot-in e një shkrimi të postuar në Instagram, ajo shprehet:
“Më kanë hakuar! Siç e dini të gjithë, unë nuk luaj me familjen time. Prandaj, nëse shihni diçka që nuk është karakteristike për mua, mos harroni se nuk jam unë!”
Në përshkrimin e postimit, ajo shtoi:
“Ju lutem, mos luani me mua! Asnjë armë kundër familjes sime nuk do të ketë sukses.’”
Siç raporton People, kjo është një referencë nga një pasazh biblik.
View this post on Instagram
Akuzat ndaj Jay Z
Reperi dhe producenti muzikor Jay Z është paditur për përdhunimin e një vajze 13-vjeçare, bashkë me Sean “Diddy” Combs. Ngjarja, sipas padisë, ka ndodhur në vitin 2000.
Në padinë e regjistruar të dielën pretendohet se Jay Z, emri i vërtetë i të cilit është Shawn Carter, si dhe Combs, përdhunuan vajzën në një “after-party” pas “MTV Video Music Awards” në shtator të vitit 2000.
Artikuj të sugjeruar:
