Është zyrtarisht sezoni i xhupave puff, dhe ndiejmë emocione të përziera. Nga njëra anë, ngrohtësia dhe komoditeti i menjëhershëm që ofron ky xhup e bën atë perfekt, por nga ana tjetër, gjithmonë has vështirësi të gjesh mënyrën se si ta kombinosh pa streçe dhe atlete.
Fatmirësisht, Olivia Munn po jep frymëzim stilistik, duke treguar se xhupi puff mund të duket i rafinuar dhe i sofistikuar kur kombinohet me xhinse dhe çizme.
Së fundmi, Munn u pa me një kombinim dimëror chic që përfshinte një xhup të shkurtër puff gri, xhinse me këmbë të gjera dhe çizme të zeza me majë të mprehtë. Mund të duket i thjeshtë, por ajo që e bëri të veçantë ishin disa detaje: ngjyra e xhupit, që ndihej e freskët dhe ndryshe nga e zakonshmja; dizajni afër fytit, shumë 2025; xhinset me këmbë të gjera si alternativë më e sofistikuar ndaj streçeve; dhe çizmet e lëkurës me majë që krijojnë një pamje të gjithanshme elegante dhe të rafinuar.
Xhupat puff nuk janë më thjesht sportivë dhe “të zakonshëm”, prandaj po bëjnë namin. Dizajnerët po i përmirësojnë me detaje elegante si grykën e ngushtë, shallin e integruar, aksesorë të shndritshëm dhe materiale cilësore që i bëjnë më të përparuar në stil.
Me këto përmirësime, pritet që ata që më parë nuk e vishnin xhupin puff jashtë palestrës, tani ta pranojnë plotësisht për raste më elegante dhe ta kombinojnë me xhinse me këmbë të gjera dhe çizme, si Olivia Munn.
