Prerja “boho bob” është si motra e bob-it klasik, më e butë, më e çrregullt në mënyrë të menduar dhe perfekte për flokët e hollë. Është ajo lloj prerje që duket sikur “sa u zgjova dhe dola nga shtëpia”, por në fakt funksionon si terapi për volumin.
Ideja është e thjeshtë: lëri të thahen vetë, kalo gishtat mes flokëve, pak tundje, dhe kaq. Kjo prerje dashuron papërsosmërinë.
Fijet përpara, majat e buta të shtresuara dhe prerja krijojnë lëvizje, japin iluzionin e trashësisë dhe e bëjnë këtë stil të funksionojë për çdo formë fytyre.
Flokët e hollë janë si fëmijët e sjellshëm: të butë, të rregullt… dhe pak të mërzitshëm kur vjen puna te volumi. “Boho bob” e zgjidh këtë me shtresa të lehta që krijojnë ajër mes fijeve. Rezultati? Shumë më shumë volum, lëvizje dhe një pamje sikur ke më shumë flokë sesa ke realisht.
Majat pak më të çrregullta e bëjnë prerjen të duket më e plotë, ndërsa tekstura i japin efektin “natyral, por jo aq natyral sa duket”.
Si ta stilosh (pa sforco fare)
Stilimi duhet të duket si gabim i bukur.
Lëre të thahet vetë. Shkund flokët me dorë. Nëse ke qejf, shto pak onde të buta te gjatësia e mesme e flokëve. Mirëmbajtja? E papërfillshme. Nëse nuk llogarit faktin që ndonjëherë do kontrollosh nga qejfi veten në pasqyrën e makinës.
Ky bob i përshtatet ÇDO forme fytyre
Fytyrë e rrumbullakët: pak më shumë gjatësi e bën fytyrën të duket më e zgjatur.
Fytyrë katrore: majat e buta zbusin këndet.
Fytyrë në formë zemre: fijet përpara balancojnë nofullën.
Fytyrë ovale: ke të fituar lotarinë, çdo gjë të shkon.
