Oriola Marashi është një nga ato figura që di ta ruajë veten mes dy botëve, asaj publike dhe asaj personale, me një finesë që nuk të lë vend për thashetheme të kota.
Në një seri story-sh të postuara së fundmi në Instagram, modelja ka ndarë disa pamje që kanë nxitur kuriozitet. Në një prej tyre, ajo shfaqet duke mbajtur dorën me një djalë, ku shkrimi i thjeshtë “date night” shoqëron momentin.
Por ajo që ka marrë vëmendjen kryesore është unaza që Oriola mban në gishtin e unazës në dorën e majtë, që duket qartësisht si një unazë fejese. Pra, jo vetëm që Oriola nuk është më beqare, por mund të jetë duke hedhur hapat drejt një martese.
Kjo nuk është hera e parë që unaza në fjalë "shfaqet" në postimet e saj. Ajo është parë edhe më parë në foto të ndryshme, por duket se këtë herë Oriola e ka vendosur në një kontekst më personal, më i qartë, ndoshta si një lloj konfirmimi pa fjalë.
Oriola nuk ka pranuar publikisht asnjëherë ndonjë lidhje, madje as kur ndjekësit kanë spekuluar. Por, ndryshe nga e shkuara, edhe pse modelja vazhdon t'i mbajë gjërat private, këtë herë ajo duket se po zgjedh të mos ketë më sekrete. ;)
