Ndoshta prej padurimit, ndoshta prej dëshirës së madhe, por fansat e Beyonce-s kësaj here kanë përhapur panik kudo në internet. Lajmi se mbretëresha e pop-it u ka dhënë jetë binjakëve të saj, ka qenë kryefjala e gjithë statuseve në Twitter dhe jo vetëm.
Masa të larta sigurie janë parë jashtë një spitali në Los Angeles-it dhe thuhej se truprojet e familjes kishin përgatitur vendet e binjkëve. Të gjithë këto zëra kanë filluar të përhapen nga Twitter-i në çdo rrjet social.
Burime ende të pakonfirmuara pranë çiftit tregojnë se kanë parë truprojën e yllit të largohet nga shtëpia e çiftit në Beverly Hills bashkë me 2 vendet gati për binjakët, drejt e në një nga spitalet e Los Angeles-it.
Kaq mjaftoi që të gjithë fansat të ekzaltoheshin dhe ta shprehnin entuziazmin e tyre në çdo lloj forme. “Unë thjesht pres lajmin më të vogël prej Beyonce-s dhe binjakëve që të pushtojnë internetin dhe do anulloj çdo plan timin”- shkruan dikush.
Por edhe pse i gjithë interneti ka përhapur lajmin e lindjes së divës, ka diçka që nuk shkon, pasi disa ditë më parë qarkulloi lajmi se Beyonce do ta shmangë spitalin dhe për këtë ka kthyer shtëpinë në një maternitet luksoz. Apo mos ndoshta kjo ka qenë thjesht një strategji e zgjuar e dyshes që të mos presim më kot, duke qenë se lindja do të jetë në fshehtësi të plotë.
Burimi: Daily Mail
