Luan Durmishi – një artist multidimensional – arriti të rrëmbente vëmendjen e atyre që ndoqën natën e parë të “Festivalit të Këngës”. Kënga e tij “Përsëritja” është pa frikë kënga më e komentuar (për mirë) në rrjete sociale.
“Do të doja që Shqipëria ta dërgonte këtë këngë në Eurovision. Është e freskët, origjinale dhe jo si këngët e tjera që Shqipëria ka dërguar dhe mendoj që televotuesit do ta pëlqejnë,” shkruan dikush në YouTube. “Na habite për mirë, Luan. Juria s’ka për ta çuar në finale, presim vetëm nga publiku. E duam një këngë të till në Eurosong,” thotë një tjetër.
Jo pak ndjekës e cilësojnë këngën “Përsëritja” si “një mundësi për t’u përfaqësuar me diçka ndryshe”, “një këngë që dallon”, “një shans për t’u kualifikuar në Top10 në Eurovision”.
Në një sondazh të Wiwiblogss mbi këngët e natës së parë, “Përsëritja” ka grumbulluar një numër të konsiderueshëm votash, ku vihet re diferenca me vendin e dytë, ku qëndron Besa Kokëdhima me këngën “Zemrën n’dorë”.
Komentet:
