Met Gala e këtij viti, eventi kryesor i modës, do të mbahet sot, të hënën, më 5 maj, por pa praninë e Naomi Campbell. Edhe pse modelja ka qenë në tapetin e kuq të eventit shumë herë, ajo nuk do të marrë pjesë këtë vit - dhe arsyet duket se janë më shumë personale sesa profesionale.
Mungesa e saj lidhet me një koment që bëri Anna Wintour, “arkitektja” e këtij eventi në shtator 2024, gjatë një ceremonie të “Harlem's Fashion Row” në Javën e Modës në Nju Jork.
“Jam shumë korrekte dhe jam e nderuar që po prezantoj dikë që vonohet shpesh", tha Anna teksa prezantonte Naomi-n.
Sapo tha këtë fjali, Anna u largua nga skena. Kjo deklaratë u pasua nga një koment i modeles, e cila tha se nuk do donte të prezantohej nga Anna Wintour, ndonëse pa i përmendur emrin.
"Nuk ishte zgjedhja ime që të më prezantonte ajo zonja tjetër. Do të kisha preferuar dikë tjetër."
Burime për “The Sun” u shprehën se ky koment i ka kushtuar modeles pjesëmarrjen në eventin më të rëndësishëm të modës.
“Nuk mund të sulmosh mbretëreshën e modës dhe pastaj të presësh të ecësh në tapetin e saj të kuq. Ana as nuk harron dhe as nuk fal. Nëse ajo do që të largohesh, largohu vetë më mirë.”
Nga ana tjetër, modelja nuk ka konfirmuar përjashtimin nga ky event, por është shprehur se ishte zgjedhja e saj për të mos marrë pjesë. Në një intervistë të fundit, ajo tha se 2024 ishte hera e saj e fundit në Met Gala, duke theksuar se ndjen ankth dhe lodhje nga evente të tilla. Po ashtu, Naomi shtoi se është "mjaft e vjetër" për t’u marrë me të tilla organizime.
Artikuj të sugjeruar:
