Naomi Campbell ka treguar se 2 fëmijët e saj kanë ardhur në jetë nga nëna surrogate. Supermodelja, në intervistën e saj në “The Time”, konfirmoi zërat që kanë qarkulluar për lindjen e vajzës 2-vjeçare dhe djalit që lindi në qershor të vitit 2023.
Ajo nuk i tregoi emrat e të vegjëlve, por foli për “frikërat” e saj si nënë. “Fëmijët e mi janë gjithçka për mua. Kjo më ka bërë t’i frikësohem të ardhmes”, tha Campbell, duke shtuar: “Shpresoj për një botë më të mirë për fëmijët e mi. Ata janë 110% prioriteti im”.
Mandej, Campbell shtoi se i pëlqen të jetë një nënë beqare. Ajo nuk ka ndarë shuëm detaje për fëmijët e saj, por në një intervistë të mëparshme në shkurt të vitit 2022 në Vogue, u shpreh: “Vajza nuk është adoptuar. Është fëmija im”.
Në maj të vtiti 2021, përmes një postimi në Instagram, Naomi bëri me dije se ishte bërë nënë. “Një bekim i bukur i vogël më ka zgjedhur të jem nëna e saj, kështu që jam e nderuar që e kam këtë shpirt në jetën time. Nuk ka fjalë për të përshkruar lidhjen e përjetshme që tani kam me ty engjëlli im. Nuk ka dashuri më të madhe,” shkroi ajo.
Më pas, në qershor të vitit 2023, sërish përmes një postimi në Instagram, Naomi tregoi se ishte bërë nëna e një djali: “I vogli im, dije se të duan jashtë mase dhe je i rrethuar nga dashuria që në momentin që na lumturove me praninë tënde. Një dhuratë e vërtetë nga Zoti. E bekuar. Mirë se vjen bebush. Nuk është kurrë vonë për të qenë nënë.” – u shpreh modelja. Më pas, ajo i fshiu të dy postimet.
Artikuj të sugjeruar:
