Sa herë që e takon, kthehesh në shtëpi me një humor të pashpjegueshëm të keq. Edhe kur jeni bashkë, shpesh e gjen veten duke u zemëruar për gjëra që duken të vogla, të parëndësishme. Por, ndoshta ato nuk janë aq të vogla në fund të fundit. Ndoshta po përballesh me një shoqe toksike që ka nisur të lërë gjurmë në mirëqenien tënde mendore dhe që duhet ta largosh nga jeta jote.
Këto janë disa nga frazat që ajo mund të thotë, të cilat në pamje të parë duken si komente të pafajshme ose "këshilla", por në të vërtetë mbartin energji negative dhe nënçmuese. Sipas psikiatres Judith Orloff, fraza të tilla përfshijnë:
"Flokët bionde/brune nuk janë aspak tërheqëse"
"Harroje se ta var ai ty, ai është në një nivel tjetër"
"Mos bëj budallaqe, s’e bën dot ti këtë pune”
Pas këtyre komenteve shpesh fshihet një sjellje pasivo-agresive, përmes së cilës ajo përpiqet të kontrollojë, nënçmojë ose shfaqë mënyrën e saj të errët të të menduarit.
Ekspozimi i vazhdueshëm ndaj një marrëdhënieje toksike, sipas ekspertes, mund të ndikojë drejtpërdrejt në shëndetin tonë mendor, madje të çojë në forma të buta ose të thella të depresionit. Ndoshta nuk është gjithmonë faji i saj, ndoshta kjo është mënyra e vetme që ka mësuar për të qenë në kontakt me të tjerët. Por kjo nuk e bën më pak të dëmshme sjelljen e saj.
Askush prej nesh nuk ka pse të tolerojë një “vampir emocional”, siç i quan Orloff personat toksikë.
Gjëja më e mirë që mund të bëjmë për veten? Të kemi guximin të vëmë kufij të qartë, edhe nëse kjo do të thotë të largojmë nga jeta ata që na bëjnë keq.
