Janë aq të rralla rastet kur aktorja mund të shihet pa qenin e saj, sa njerëzit kanë nisur ta etiketojnë si "aksesorin" e preferuar të Demi Moore.
Po flasim për Pilaf-in, qeni i racës chihuahua dhe miku katërputrosh i aktores së njohur. Kohët e fundit, ajo po fotografohet rrallë pa qenin, madje në çdo shfaqje publike, përfshirë aktivitetet e modës, intervistat e televizive apo edhe në takime pune. Që prej vitit 2022 kur qeni është bërë pjesë e familjes së Demi-t, kjo e fundit nuk e ka ndarë nga vetja.
61-vjeçarja madje e mori edhe në koncertin e Madonna-s duke publikuar edhe një video nga momentet e koncertit të artistes në Madison Square Garden në New York, ndërsa qeni “shijonte” muzikën në sfond, njerëzit nuk i kursyen kritikat për aktin e aktores.
“Qeni në një koncert? Seriozisht? Çfarë nuk shkon me ty?” i shkroi një komentues në video. “Pse dreqin duhet çuar një qenush i vogël në një koncert me muzikë të lartë. Diçka e tmerrshme për veshët e qenies së vogël,” shtoi një tjetër.
“Të kam admiruar për shumë vite si aktore, por fakti që ti merr qenin e vogël në një koncert me volum të lartë, shkon përtej marrëzisë,” cilësoi një tjetër komentues në rrjetet sociale.
Duket pra, se admiruesit e Demit janë zemëruar me veprimin e aktores që mori qenushin e saj të vogël në një koncert live me muzikë të lartë.
Ajo zgjodhi të mos i përgjigjej zërave kritikë.
Artikuj të sugjeruar:
Burimi: Hello
