Në një video në Facebook, ministrja e Shëndetësisë dhe Mbrojtjes Sociale, Ogerta Manastirliu, foli ndër të tjera për situatën e kopshteve dhe çerdheve. Deri në këto momente, nuk ka ende një plan të qartë për hapjen e këtyre institucioneve, mirëpo parashikohet që të hapen pas datës 1 qershor, gjithmonë nëse të dhënat e koronavirusit vazhdojnë të mbeten të qëndrueshme.

“Sipas planit, nëse të dhënat do të jenë të qëndueshme, bazuar në kriteret e Komitetit Teknik për vlerësimin e situatës epidemiologjike, nga data 1 qeshor po planifikohet të hapen kopshtet dhe çerdhet, publike dhe private. Dëshiroj të ndalem këtu dhe të theksoj nevojën e një vlerësimi të menjëhershëm dhe të kujdesshëm të të gjithë infrastrukturës dhe kushteve higjieno-sanitare sipas standardeve që duhet të zbatojnë.” – tha Manastirliu.

Protokollet e sigurisë do të bëhen të ditura në vijim.