Mozzik u vendos në qendër të vëmendjes pas një ndalimi që iu bë nga policia e Kosovës, për shkak të dy orëve të markave prestigjoze Ruchard Mille dhe Rolex. Kudo qarkulloi lajmi se ai u arrestua, Noizy aludoi se orat ishin të rreme, ndërsa vetë dogana e Kosovës na tregon detajet e ndalimit.
Përmes një reagimi në Facebook, dogana e Kosovës u shpreh:
“Prishtinë, 17 shtator 2025. Dogana e Kosovës njofton opinionin publik se pas publikimit të lajmeve në portale dhe rrjete sociale, ka ndërmarrë të gjitha masat e nevojshme për identifikimin dhe kontrollin e një personi të dyshuar me rastin e hyrjes në territorin e Republikës së Kosovës. Si rezultat i këtij kontrolli në aeroportin ndërkombëtar “Adem Jashari” në Prishtinë, njësitë doganore kanë zbuluar dhe ndaluar përkohësisht dy orë luksoze (një Richard Mille dhe një Rolex), të cilat nuk janë deklaruar nga udhëtari gjatë kalimit në Kanalin e Gjelbër. Vlera totale e këtyre orëve është 1.340.027,50 € (një milion e treqind e dyzet mijë e njëzeteshtatë euro e pesëdhjetë cent)”, thuhet në deklaratë.
Pra, orët paskan qenë origjinale.
Më tej, deklarata vijon se shmangia e detyrimeve në doganë kapte shumën e mbi 5.000 eurove, ndaj është urdhëruar ndalimi i përkohshëm i orëve dhe është marrë në pyetje Mozzik.
“Duke qenë se shmangia nga obligimet doganore kapte shumën mbi 5.000 euro, konform legjislacionit në fuqi është njoftuar Prokurori Kujdestar i Prokurorisë Themelore në Prishtinë. Me këtë rast, në përputhje me kompetencat që dalin nga Kodi Doganor dhe i Akcizave, është urdhëruar ndalimi i përkohshëm i mallrave dhe intervistimi i personit të dyshuar. Më 17 shtator 2025, i dyshuari është intervistuar dhe më pas është liruar në procedurë të rregullt, ndërsa dy orët mbeten të ndaluara deri në një vendim të mëtejmë të Prokurorisë”.
Pas lajmeve për arrestimin e Mozzik, ka reaguar edhe avokati i tij, si dhe i vëllai, Getinjo.
“Nuk është arrestuar reperi Mozzik! Sapo piva kafe me të”, u shpreh avokati i Mozzik, Arianit Koci në Facebook.
Ndërsa Getinjo zgjodhi një tjetër mënyrë, duke ironizuar:
Edhe vetë Mozzik, publikoi një foto, ku u shpreh:
"Sapo dhashë deklaratë, në prezencë të avokatit tim Arianit Koci, lidhur me çështjen e mbrëmjes së kaluar për orën e dorës Richard Mille në aeroportin e Prishtinës. Mediat që kanë raportuar për një arrestim që nuk ka ndodhur, nuk kanë vepruar drejt. Po ashtu, raportimet për një kinse borxh ndaj ATK janë të pavërteta; vetëm rrena dhe shpifje.
Sulme të tilla i përballoj me qetësi, njësoj si gripin dhe nuk kanë asnjë peshë më shumë. Ju uroj suksese të gjithëve, dhe InshAllah flini të qetë sonte! Ju dua edhe juve qe po shkruani keq! Sinqerisht, Gramoz Aliu (Mozzik)"
Sa i përket Noizy-t, ai publikoi foton e një ore të imituar nga një faqe kineze, duke aluduar se sendet luksoze ishin të rreme. Për më tepër, kliko këtu.
