Junida Fortuzi, bashkëshortja e ish-futbollistit të njohur të kombëtares shqiptare Indrit Fortuzi, u dënua në mungesë me 3 vite e gjysmë burg nga Gjykata e Tiranës, për akuzën e mashtrimit me pasoja të rënda.
Procesi gjyqësor ndaj saj ka nisur që në nëntor të vitit 2015, pasi një 20-vjeçar ngriti padi se agjencia turistike në pronësi të Junida Fortuzit, i kishte shitur 4 bileta turistike me vlerë 1200 euro, të cilat më pas rezultuan të pavlefshme.
Por, përpara denoncimit, Junida Fortuzi dhe bashkëshorti Indrit Fortuzi ishin larguar jashtë Shqipërisë dhe siç bënë të ditur familjarët e tyre, kishin nisur një jetë të re në Amerikën Latine. Asokohe u tha se aryeja e largimit ishte për shkak se ish-futbollisti kishte humbur shuma të madha parash në baste dhe kishte shumë borxhe të pashlyera.
Sakaq pati edhe një tjetër denoncim në emër të agjencisë turistike të Junida Fortuzit, nga një 47-vjeçar që kishte blerë një biletë në shumën 175 euro, biletë e cila rezultoi e pavlefshme në aeroport.
Burimi: Panorama
