Përgatituni të magjepseni nga Marigona Qerkezi, një nga zërat më të fuqishëm shqiptarë në skenën operistike ndërkombëtare! Me një interpretim që mbërthen publikun dhe një zë që ngjitet drejt majave, ajo ka pushtuar disa nga skenat më të rëndësishme ndërkombëtare, duke përfaqësuar denjësisht trashëgiminë tonë kulturore në gjithë botën.
Marigona Qerkezi, sopranoja e shquar me origjinë nga Kosova, e lindur në Zagreb dhe e shkolluar në Prishtinë, ka nisur rrugëtimin e saj muzikor në moshë shumë të re, duke interpretuar për herë të parë para publikut në Lubjanë në moshën 6-vjeçare. Ajo ka shkëlqyer si në flaut ashtu edhe në këndim, duke fituar një Master në të dyja degët nga Universiteti i Arteve të Bukura në Prishtinë.
E vlerësuar nga kritika ndërkombëtare për zërin e saj "plotësisht të pasur me një rrumbullakësi nga lart poshtë dhe një prani mbizotëruese në skenë" (OperaWire), Marigona ka interpretuar role kryesore në teatro prestigjioze si Teatro Regio di Parma, Gran Teatre del Liceu në Barcelonë, New National Theatre në Tokio, Teatro La Fenice në Venecia dhe Royal Opera House Muscat. Ajo është fituese e shumë çmimeve prestigjioze ndërkombëtare, përfshirë çmimin e parë në Konkursin e Operas "Leyla Gencer" dhe çmimin special nga Accademia Teatro alla Scala.
Pas sukseseve të jashtëzakonshme në rolet si Mimì në "La Bohème", Elvira në "Ernani", Leonora në "Il Trovatore" dhe shumë të tjera, Marigona vjen në shtëpi, në Tiranë, për një recital të veçantë në Teatrin Kombëtar të Operas, Baletit dhe Ansamblit Popullor (TKOBAP). Ky është një rast unik për të shijuar nga afër talentin e jashtëzakonshëm të kësaj artisteje që na bën krenarë.
Data: 12 Qershor Ora: 20:00
Biletat mund t’i merrni pranë biletarisë së TKOBAP-së, nga e hëna në të diel, sipas orarit:
10:00-14:00 dhe 16:00-20:00
Ditën e shfaqjes: 10:00-14:00 dhe 16:00-18:10
