Vogëlushja e Mozzik dhe Loredanës, Hana, feston sot 1-vjetorin. Teksa i uron të bijës ditëlindjen, reperja gjeti rastin për të përmbledhur në pak fjalë gjithë vitin e trishtë që la pas. Në Instagram, Loredana rrëfeu se vetëm në një vit iu desh të përballej me sëmundjen e nënës dhe vdekjen e të atit.
“Është e pabesueshme sa shpejt kaloi një vit! Si ishte jeta ime gjatë këtij viti? Mami kishte kancer dhe për fat të mirë e mposhti. Babi im ishte duke dhënë shpirt teksa unë akuzohesha në media për mashtrim. Pas kësaj, babi u nda nga jeta. Më pas erdhi ndarja nga Mozzik.”
Reperja e cilëson 2019-n një vit të trishtë nga njëra anë, por të lumtur nga ana tjetër.
“A duhet t’ju tregoj çfarë viti kam pasur? Një vit të trishtë, por në të njëjtën kohë pata vitin më të bukur sepse ekziston ti Hana. Shpeshherë mendoj nëse po e bëj gjithçka siç duhet apo nëse ja vlen të bëj kaq shumë para kur jeta personale është e kufizuar? Ne jetojmë me idenë se nesër është dita e fundit. Por megjithatë si supozohet t’i përmbush gjithë dëshirat e tua?”
Në vijim, duket sikur Loredana ndihet në faj për faktin që kalon pak kohë me Hanën, për shkak të koncerteve, por është e detyruar.
“Kush do të të ta blejë një qenush nëse ti e kërkon? Kush do të paguajë për Kopshtin Zoologjik nëse ti do të shohësh kafshët? Si supozohet të të ofroj gjithë të mirat nëse nuk bëj miliona? Ndoshta nuk duhen miliona që të shkosh në kopshtin zoologjik, por duhen miliona për të pasur një shtëpi. Të duhen para nëse do të jesh e pavarur nga të tjerët. Ti nuk e di kurrë si të vjen jeta. Ndoshta edhe ty do të duhet të martohesh, të bësh një bebe dhe të përfundosh e vetme me fëmijën tënd, që do të jetë jeta jote, rrahja e zemrës dhe fryma. Mos më keqkuptoni, i uroj vajzës sime të kundërtën e asaj që më ka ndodhur mua.”
Sidoqoftë, pavarësisht vështirësive si nënë beqare, Loredana është e bindur se ja ka dalë mbanë.
“Nuk mendoja kurrë se do të martohesha, do të ndahesha dhe do të përfundoja si nënë beqare, por të tregohem e sinqertë, ja kam dalë. Punoj dhe shfrytëzoj çdo sekondë që kam kohë të lirë me Hanën. Gëzuar ditëlindjen Hana, që tani madje vjen edhe në turin tim.”
Hana erdhi në jetë në dhjetor të 2018-s, ndërkohë që në fillim të majit, Loredana u akuzua për mashtrim dhe zhvatje parash. Në fund të majit, i ati i Lorit ndërroi jetë. Në tetor, ajo pranoi publikisht ndarjen nga Mozzik.
