Studiuesit në SHBA kanë krijuar qentë e parë në botë të lindur përmes fertilizimit in vitro (IVF). Ky konsiderohet si një zbulim tejet i rëndësishëm sepse IVF hap rrugën për ruajtjen e rracave të rrezikuara dhe mund të ndihmojë në luftën kundër sëmundjeve të njeriut dhe të kafshëve.
7 qenushe kanë lindur nga 19 embrione të futur në një qen femër, sipas shkencëtarëve nga Universiteti Cornell dhe Institutit Smithsonian. "Që nga mesi i viteve 1970, njerëzit kanë qenë duke u përpjekur për të bërë IVF te një qen dhe kanë qenë të pasuksesshme", tha në një deklaratë bashkë-autori Alex Travis, profesor i asociuar i biologjisë riprodhuese në "Institutin Baker për Shëndetin e Kafshëve" në Kolegjin Cornell të Mjekësisë Veterinare.
Embrionet e ngrira janë futur në një qen femër duke përdorur teknika të ngjashme me ato të përdorura në klinikat e fertilitetit te njeriu. Problemet me embrionet e ngrirjes kanë shkaktuar vështirësi në të kaluarën, por grupi i thonë se ata kanë përsosur teknikën. Sipas studiuesve, përpjekjet e kaluara kanë dështuar për shkak se qentë kanë sisteme të ndryshme riprodhuese me shumicën e gjitarëve.
Qenushët kanë lindur në qershor të këtij vitit por ekzistenca e tyre ishte mbajtur sekret derisa është botuar zyrtarisht për botën shkencore gjatë kësaj javë.
Burimi: BBC; Përshtati: Jolinda Levonja
