Nëse jeni nga ata që kalojnë orë të tëra në Tik Tok, me siguri e keni parë memen e famshme të “hiperpigmentimit” që po qarkullon masivisht. Një vizatim i një vajze të vogël, i kthyer tashmë në një moment ikonik të internetit, ka bërë që përdoruesit të krijojnë versione të ndryshme dhe të marrin miliona pëlqime e shikime.
@baezycoolmane Girl Cries After Her Dad Laughs At Her Drawing? #fyp #viral
? original sound - Onye Zoonie
@ldramts they gets the vibe of #hyperpigmentation #itsperfect #pigmentation
? Bitter Sweet Symphony - Remastered 2016 - The Verve
Origjina e memes “hiperpigmentim”
Gjithçka nisi në vitin 2019, kur Sonia Tiebi postoi një video ku vajza e saj e vogël tregonte një portret të vizatuar për të ëmën. Portreti përfshinte një pikë të madhe në faqe, duke bërë që Sonia t’i drejtohej vajzës me pyetjen e famshme: “Është hiperpigmentim?” - një fjali që ka mbetur në mendjet e të gjithëve.
Videoja e shpërndarë fillimisht në “ViralHog” dhe më pas në X, u bë virale brenda pak kohe. Me një atmosferë të ngrohtë familjare dhe një portret të çuditshëm, kombinimi i të qeshurave dhe përpjekjes së sinqertë të vajzës preku zemrat e publikut. Për më tepër, termi “hiperpigmentim” (që i referohet njollave më të errëta në lëkurë) shtoi edhe një dozë humori për shumë prindër.
Si u kthye në trend në TikTok?
Pas disa vitesh, postimet në platforma si TikTok dhe Instagram ia prezantuan memen një audience të re. Krijuesit nisën të riprodhonin momentin, duke vizatuar portrete të ngjashme dhe duke përdorur audio-n e video-s. Rezultati? Një valë postimesh plot humor dhe kreativitet që po përhapet me shpejtësi marramendëse.
Kjo meme nuk është thjesht një trend kalimtar, por një kujtesë se momentet më të zakonshme familjare mund të kthehen në art, nëse ndahen me botën. Në fund të fundit, kush mund t’i rezistojë një fëmije që përpiqet, me aq sinqeritet, të kapë “perfeksionin” e një portreti?
