Jennifer Lopez mund të jetë ikonë mode, por edhe ajo nuk shpëton dot nga një moment që askush nuk do të donte të ndodhte përpara kamerave.

Në një mbrëmje bamirësie në New York, J.Lo shkëlqeu - por edhe zbuloi pak më shumë seç duhej. Aktorja dhe këngëtarja 55-vjeçare zgjodhi një fustan ngjyrë pjeshke me dekolte shumë të hapur dhe teksa ecte, fustani “vendosi” të lëvizë pak nga vendi.

Rezultati? Një incident që shumicës prej nesh do na bënte të zhdukeshim nga faqja e dheut.

Fatmirësisht, diva e showbiz-it e kishte kompletuar pamjen me një xhaketë me pendë që e shpëtoi disi nga më e keqja. Në Instagram, J.Lo e përshkroi pamjen me një emoji buzëkuqi dhe një merimange, duke treguar që ishte e vetëdijshme për vëmendjen që mori incidenti,
por zgjodhi të mos e trajtojë me dramë, por me klas dhe një nuancë humori.

Komentet në rrjet? Të gjithë ishin njëzëri: J.Glow nuk ka nevojë për ndihmë - ajo rrezaton gjithsesi.

Pas koncertit, Jennifer ndërroi veshje për after party-n në Bryant Park Grill, ku zgjodhi një fustan të bardhë nga Stephane Rolland me jakë të mbyllur, gurë shkëlqyes, por me një të çarë dramatike deri në ijë. Kombinimi me taka platformë argjendi dhe një çantë me shkëlqim i dha një bukuri mahnitëse pamjes.

Kujtojmë që vetëm një javë më parë, J.Lo ndau në rrjete sociale një moment jo fort të bukur, teksa kishte marrë një lëndim në fytyrë gjatë provave për American Music Awards 2025. Me akull mbi syrin dhe një të çarë në hundë, ajo u tregua e sinqertë me ndjekësit:

“Kjo ndodhi… por një javë më pas dhe shumë akull, jam si e re.”

Pra, as J.Lo nuk shpëton nga incidentet e veshjes apo lëndimet, por në stilin e saj karakteristik, i kthen të gjitha në një moment ikonik.

Artikuj të sugjeruar: