'Shag bob', ose bob i shkurtër dhe asimetrik është një nga modelet më të dashura të yjeve për këtë dimër 2015-2016. Kjo prerje flokësh ka qenë shumë në modë në vitet '70-'80 dhe konsiderohet ndryshe si një rikrijim i një prerjeje klasike bob, por në një version më të shkurtër e asimetrik.
Ky model flokësh është shumë i dashur për VIP-a të kalibrit të Taylor Swift, Edie Campbell e Alexa Chung dhe ndër të tjera është lehtësisht i stilueshëm pa pasur nevojën e piastrës apo tharëses së flokëve.
Karakteristikë e kësaj prerjeje është se majat e flokëve janë të shkallëzuara. Kjo është një prerje e përshtatshme për të gjitha format e fytyrës, edhe pse duket më mirë në një vajzë me fytyrë ovale, ndërsa ato me fytyrë të rrumbullakët duhet të zgjidhin versionin më të shkallëzuar te faqet.
Burimi: Girl Power; Përshtati: Jolinda Levonja
