Justin Bieber, një burrë, ka një hobi të ri: të komentojë me lezet (lexo: pa lezet) sa seks bën me gruan dhe si e bëjnë. Së fundi e quajti “të çmendur.”
Incidenti në fjalë ndodhi në Londër. pas koncertit, Bieber pranoi pyetje nga të pranishmit. Sipas E! News, gjithçka nisi normalisht. Një fans e pyeti këngëtarin si e kalon kohën e lirë. Bieber gjeti rastin dhe goditi. “Varet me kë jam,” tha ai. “Kur jam me gruan, na pëlqen të... Besoj e merrni me mend çfarë bëjmë. Është çmenduri... praktikisht vetëm atë bëjmë.”
Kjo s’është hera e parë që Justin flet për jetën seksuale pas martese. Në një moment, në një seri videosh në Instagram u shpreh se Hailey i thotë “gjithmonë sa duar të zota që ka.” Muajin e kaluar, pas një feste për albumin e ri, njoftoi se po largohej “për të bërë seks” me gruan. Për më tepër, një nga këngët e reja e quan Hailey-n të shijshme.
Të themi të drejtën, seksi duhet të jetë emocionues për çiftet e reja, aq më tepër kur marrim parasysh se i janë futur kësaj pune para një viti e gjysmë. Në një profil për Vogue, publikuar marsin e shkuar, të sapomartuarit pranuan se bënë seks vetëm pasi u martuan, shtatorin e 2018-s. madje, martesën e përshpejtuan se s’duronin dot më.
Përshtatur nga The Cut
