Kush e shpërndau videon me përmbajtje dhune mes princ Lekës dhe Elia Zaharisë?

Janë mbyllur hetimet për çështjen e publikimit të videos në të cilën Elia Zaharia, në gjendje të rënduar, i bërtiste princit Leka dhe ky i fundit e filmonte atë. Princi akuzoi policinë se e kishte bërë videon publike dhe më pas, ajo kishte qarkulluar nëpër internet.

Megjithatë, pas hetimeve të kryera nga prokuroria, ka rezultuar se videoja është shpërndarë pasi princi Leka ia ka dërguar atë të dashurës së tij, Blerta Celibashit. Më pas, ajo ka shkuar në një kancelari për ta kaluar materialin në USB. Organet kompetente i kërkuan Lekës dhe Blertës telefonat, por ata nuk ia kanë dorëzuar, ndërsa punonjësja e kancelarisë i ka mohuar akuzat për shpërndarjen e videos.

Rikujtojmë se ish-çifti mbretëror u divorcua zyrtarisht dhe tanimë kanë arritur dakordësinë, e cila është e vendimit të formës së prerë. Përfitimet pas zgjidhjes së martesës janë ndarë në mënyrë të atillë:

- Elia Zaharia dhe e bija, Geraldina, do të jetojnë në një apartament prej 257 m2 në Tiranë, për aq kohë sa Elia nuk martohet sërish

- Elia përfiton disa ambiente nga pallati që po ndërtohet pas ish-hotel “Dajtit”

- Elia, momentalisht, së bashku me të bijën, do të jetojnë në pallatin mbretëror

- Leka mund ta takojë vajzën 2 orë në ditë

- Pagesa për nevojat e përditshme të vajzës do të jetë 1000 euro në muaj. Leka do të ketë akses për çdo lëvizje që do të kryhet me paratë e së bijës

- Të dy prindërit do të kontribuojnë në rritjen, mirëqenien, arsimimin, administrimin e pasurisë dhe përfaqësimin ligjor të së bijës.

Artikuj të sugjeruar: