E dinit ju që Kylie është nën një stuhi polemikash për vjedhje dizajnesh dhe idesh nga kultura afro-amerikane dhe nga një kompani e vogël veshjesh? S’është çudi edhe nëse nuk e dini sepse ylli është mjeshtre e shpërqëndrimit. Vëmendja e publikut shkon aty ku do ajo.
Kompania PluggedNYC e akuzoi haptazi sipërmarrësen e re se dizajnet e reja të linjës së saj janë vjedhur nga ta. Bikini me bel të lartë, sutjena e tuta sportive me motive ushtarake janë modele që prej kohësh me popullaritet në PluggedNYC. Muaj më parë, vetë Kylie porositi veshje prej tyre dhe tani publikon linjën e saj që nuk dallon shumë, për të mos thënë fare, nga veshjet e kompanisë së vogël.
Kësaj here ja doli të na vjedhë vëmendjen me një postim në Instagram. Njëzetë vjeçarja postoi një video të shkurtër ku puthte në buzë shoqen e saj të ngushtë Anastasia Karanikolaou. Në përshkrimin e fotos Kylie i uron ditëlindjen shoqes së saj duke e quajtur “motra ime përjetë”. Kontradiktore kur e mendon. Motrat nuk puthen në buzë.
