Jemi të shokuar po aq sa ju! Nuk e dimë nëse na ka shpëtuar ndonjë sinjal apo nuk ka pasur një të tillë, por prej kohësh Klajdi paska zhvilluar në heshtje një pëlqim ndaj Eglit. Ishte vetë ai që e zbuloi këtë ndjesi, ndërsa shprehu një “lum” komplimentash për Eglin që nga sytë e deri te shpirti i saj.
Gjatë një pyetësori mes dy të nominuarve, Eglit dhe Xumit, si dhe banorëve të tjerë, qendra e diskutimit ishte situata e krijuar së fundmi dhe debatet e forta mes dy banorëve. Ndërsa diskutohej pëlqimi i Xumit ndaj Eglit, Klajdi tha se është krejt e pamundur që të mos dashurohesh me të.
Por, nuk mbaroi me aq! Ai tha se ka parë përtej syve të Eglit, duke iu referuar shpirtit të saj, gjë e cila i ka zhvilluar një pëlqim për të, por meqë Xumi e shprehu i pari pëlqimin, ai zgjodhi të “hapte krahun”.
“Çdokush nga ne këtu i mjaftonte një fije shumë e hollë për t’u dashuruar me ty, për të mos thënë që do isha unë i radhës. Fati i Xumit që ishte i pari që e shprehu këtë gjënë dhe unë hapa krahun për atë ndjesinë që ti më dhe.”, tha ai.
Kjo deklaratë shkaktoi konfuzion mes banorëve (dhe jo vetëm). Megjithatë, Klajdi theksoi se nuk dëshiron që të përfitojë nga një deklaratë e tillë për t’u bërë protagonist.
Artikuj të sugjeruar:
