Përkundër trendit të momentit përsa i përket videoklipeve – të cilët dallojnë për ekstravagancën në veshje dhe grim – Dua Lipa zgjodhi një tjetër qasje. Në klipin e saj të fundit, “Physical”, pjesë e albumit të dytë, "Future Nostalgia", Dua Lipa shfaqet e veshur dhe grimuar njësoj, por në tetë mënyra të ndryshme.
Klipin e pasur në detaje, si –diamantë gjigantë vezullues, ngjyra të forta, drita dhe xixa – Dua e balancon në grim dhe veshje.
Me përjashtim të fillimit dhe fundit, kur shfaqet e veshur me një fustan të shkurtër Saint Laurent,
për pjesën tjetër të videos, Dua zgjodhi një kanotierë Helmut Lang dhe xhinse në të njëjtën ngjyrë. Grimi i këngëtares ndryshon ngjyrë tetë herë brenda klipit – fillon me të kuqen, kalon te magenta, e kaltra e kështu me radhë.
