Një nga momentet më të rëndësishme për çiftin (dhe dasmorët) është padyshim momenti i tortës. Të gjithë janë të fokusuar aty, duke pritur për të komentuar dhe shijuar tortën që pas shumë alternativash, zgjodhët.
Deri më tani, kemi parë kaq shumë modele tortash, sa diferenca është e vështirë të bëhet. T’ju japim një ide tjetër nëse doni diçka ndryshe nga të tjerët?
S’ka nevojë fare për një tortë tipike! Momenti i tortës mund të bëhet edhe më interesant, me “llojet e tjera të tortave” që do të shihni më poshtë!
Një mur me petulla të tillë ose siç i njohim ndryshe Donuts!
Përveçse është e këndshme për sytë si pamje, i ofroni të ftuarëve shumëllojshmëri shijesh. Ata duhet thjesht të shkojnë dhe të rrëmbejnë diçka nga muri i petullave!
Çiftet e rinj preferojnë diçka që del jashtë kornizave të tradicionales.Torta mund të jetë ëmbëlsira e preferuar, në këtë formë! Mjafton që për ty dhe partnerin të ketë kuptim.
Kulla e shampanjës!
Fytyra e re e tortës është shampanja! Një mënyrë interesante për të nisur (ose mbyllur) festën!
Stacioni i ëmbëlsirave!
Bëjani të qartë të ftuarëve, që torta juaj është shndërruar në “stacion ëmbëlsirash”.Në një kënd të ambientet, vendosni lloje të ndryshme ëmbëlsirash që njerëzit të marrin çfarë duan. Mos harroni lëpirëset!
Kamioni i akullores! Nëse doni t’i surprizoni të ftuarit, merrni me qira një kamion akulloresh. Do të bëni shumë më tepër qejf sesa thjesht të hani tortë.
Siç mund ta shihni, ideja është të mos i vendosni vetes limite. Është dita juaj e madhe.
