Kelvi Kadilli ‘vrau’ njëherë e mirë ‘Select’-in, programin e drekës në Top Channel, për të sjellë një tjetër format të ngjashëm të quajtur ‘Pop Culture’.
Emisioni që do të transmetohet nga e hëna në të shtunë në orën 15:30 do të ketë sërish në fokus personazhet e shoëbiz-it dhe intervistat pikante të Kelvit, por këtë herë gazetari do të jetë nën shoqërinë e Dojna Memës.
Kelvi ka publikuar në Instagram promon e emisionit dhe duket gjithçka, veçse miqësor. Me një shkop bejsbolli në dorë shkatërron gjithë inat siglën e ‘Select’-it dhe aty shfaqet Dojna, e veshur provokuese me lëkurë të zezë, që ‘i ruan shpinën’.
‘Select’ prezantohej nga katër të rinj, Kiara Tito, Mishel Rrena, Liesa Haxhiasllani dhe Ardit Murataj, e ardhmja e të cilëve brenda televizionit ende nuk dihet.
