Nëse nuk e dinit, Kate Middleton nuk mban kurorë çdo ditë. Ndoshta e imagjinoni duke ardhur rrotull në shtëpi, me gurë të çmuar mbi krye, por kjo s’ndodh thjesht sepse kurorat dhe tiarat ruhen për evente të rëndësishme, si puna e dasmave. Për herë të parë, Princeshën Kate e pamë me kurorë ditën kur u martua me Princin William në 2011-n. Kurora që mbajti atë ditë ishte dhuratë nga Mbreti George VI për bashkëshorten e tij në 1936-n. Më pas iu dhurua Mbretëreshës Elizabeth për ditëlindjen e saj të 18.
Zakonisht, një nuse mbretërore mban kurora dhe bizhuteri nga koleksioni i familjes së saj para se të përdorë koleksionin e familjes së bashkëshortit. Kate nuk e ndoqi këtë rregull, por sidoqoftë, i do xhevahiret e familjes mbretërore po aq sa vjehrra e saj e ndjerë.
Dje, Kate doli në publik për herë të shtatë me kurorë në kokë, në banketin mikpritës për Willem-Alexander dhe Mbretëreshën Maxima të Hollandës. Kate zgjodhi kurorën Lover’s Knot (Nyja e të Dashuruarve) kombinuar me një fustan bojëqielli Alexander McQueen. Kurora iu dhurua Princeshë Diana-s ditën e dasmës nga Mbretëresha. Për më tepër, kjo është hera e katërt që Kate mban pikërisht këtë kurorë.
Për herë të parë, u fotografua me kurorën Lover’s Knot në dhjetor të 2016-s, në pritjen e përvitshme diplomatike në Buckingham Palace.
Sërish me të njëjtën kurorë në banketin shtetëror në Buckingham Palace për të mikpritur Mbretin dhe Mbretëreshën e Spanjës në korrik të 2017-s.
Dhe për herë të tretë, në dhjetor të 2017-s në një tjetër pritje diplomatike në Buckingham Palace. Atë mbrëmje, Kate e kombinoi kurorë me varëse me diamantë dhe vathë me perla.
Ja një foto e Princeshë Diana-s, për referencë.
