Ndonjëherë admirimi për një VIP arrin në ekstreme. Kështu ka ndodhur më një fans të Stresit. Ai është aq i apasionuar pas rreperit e muzikës së tij, saqë i ka dedikuar një tatuazh. Dhe jo dosido. Tatuazhi zë gjithë gjysmën e majtë të kraharorit dhe shfaq Stresin me një “cigare” në dorë. Nën portret shkruhet ‘Real Rapper’, që do të thotë rreper i vërtetë.
Këngëtari shqiptar është prekur nga gjesti i fansit të tij dhe e ka postuar foton në profilin e tij në Instagram. Ai ka mbetur pa fjalë dhe ka thënë se kjo është një surprizë e veçantë.
Tatuazhe të tilla janë dedikuar më parë për moderatoren Marina Vjollca dhe liderin historik të së djathës, Sali Berisha. Të dy tatuazhet e mësipërm janë bërë nga i njëjti person, një taksist nga Tirana. Ai vendosi t’i kushtojë Marinës pjesën e krahut dhe Berishës, gjysmën e kraharorit.
