Jonida Vokshi duhet të jetë e dhënë pas deklaratave të thëna me moskokëçarje sepse është hera e disatë që ndodh. Një muaj më parë tha krejt papritur se në jurinë e “Top Talent” janë pesë persona, duke iu referuar bebit dhe të njëjtën taktikë ndoqi edhe kur i dha lajmin e lumtur bashkëshortit të saj.
Jonida dhe Besniku ishin dje të ftuar në “Soiree” ku rrëfyen momentin e ëmbël.
Besniku kishte dalë, po pinte birra dhe po shihte ndeshjen mes Kosovës dhe Bullgarisë. Si fans i kombëtares së Kosovës, ishte shumë i përqëndruar. Jonida po e shqetësonte me mesazhe të tipit “hë si po kalon?”
“Mirë, faleminderit,” i tha Besniku, me sytë nga ndeshja. Këtu ndryshoi gjithçka. “E pse po bëhesh kështu arrogant,” i kthehet Jonida. “Kujdes, sillu mirë se do bëhesh baba. Mos pi shumë birra.”
Sikur t’i thoshte s’ka bukë në shtëpi, bli kur të vish.
Natyrisht, Besniku ngeli pa fjalë, s’i besohej. Kur Jonida i dërgoi foton e testit të shtatzënisë, gjithçka rreth tij heshti. U largua nga lokali ku po shihte ndeshjen dhe u ul në një tjetër, piu disa birra (pavarësisht se gruaja e udhëzoi të mos pinte shumë), dhe mendoi gjerë e gjatë për një orë.
Imagjinojeni reagimin e Besnikut nëse Jonida s’do ia kishte thënë si pa të keq. Ndoshta ndonjë alkool më i rëndë dhe meditim?
