Në prag të çeljes së Panairit të Librit që do të mbahet në Tiranë në datat 12-16 nëntor 2014, Anabel.al ka kontaktuar përfaqësuesit e disa prej shtëpive botuese në Shqipëri, për të folur për librat dhe autorët më të shitur, të huaj dhe vendas, të këtij viti dhe të vitit që shkoi.
Më poshtë gjeni listën e librave më të shitur nga shtëpitë botuese:
BOTIMET DUDAJ
Triologjia "Millennium"- Stieg Larson
"Ferri" dhe “Kodi i Da Vinçit”- Dan Brown
"Preja e një martese të lodhur"- Rudina Xhunga
"Vargjet satanike"- Salman Ruzhdie
Sipas botueses Arlinda Dudaj, sukses të madh ka pasur libri i shumëpërfolur i kryeministrit Edi Rama "Kurban.
Por ajo që ka thyer rekordet në shitje, ka qënë libri i gatimit i moderatores së njohur, Arbana Osmani, që falë shitjeve të rrufeshme, ka qënë libri më i shitur në stendën "Dudaj", në panairin e shkuar.
BOTIMET PEGI
“Delikatesa"- David Foenkinos
“Krijesa të bukura"- Kami Garcia & Margaret Peterson
"Lista e dëshirave të mia"- Gregoire Delacourt.
"Burimi i jetës"- Ayn Rand
“Mos harro të më puthësh"- Alexandre Jardin
“Rebeka"- Daphne Du Maurier
Shtëpia Botuese OMSCA-1
"Gardalina"- Donna Tartt
"Mendo dhe bëhu i pasur"- Napoleon Hill
"Sekreti i bashkëshortit"- Liane Moriarty
Triologjia e Sylvia Day "E lidhur ngushtë me ty", "E pasqyruar te ty" dhe "E zhveshur përpara teje".
"Të vrasësh zogun përqeshës"- Harper Lee
"Ndihma" (The Help)- Kathryn Stockett
Gjithashtu shumë i shitur është edhe autori Khaled Hosseini me librat e tij "1000 diej vezullues", "Edhe malet oshëtijnë" si dhe "Gjuetari i balonave". Vend të mirë në shitje zë edhe autori rus Anatoli Toss me veprat e tij "Fantazitë e një gruaje", "Një histori amerikane" dhe "Tej cakut të dashurisë".
I pyetur përsa i përket autorëve shqiptarë, Luan Pengili, përfaqësuesi i shtëpisë botuese OMSCA-1 tha për Anabel.al, se autorët shqiptar Visar Zhiti dhe Petro Marku janë më të shiturit në vite.
Botimet TOENA
Në krye të listës qëndron autori brazilian, si një ndër autorët më të rëndësishëm të letërsisë botërore, Paulo Coelho, me romanin e tij të fundit “Alef”.
Paullina Simons, me romanin “Kalorësi i Bronztë”
Autorja bestseller, Lesley Lokko me dy veprat e saj- “E fshehta një vere” dhe “Kryekëput mashtrim”.
Nga letërsia greke vijnë veprat: Anteos Hrisostomidhis “Antenat e epokës sime”, Lena Manda “Pesë motrat dhe shtëpia buzë lumit”, Nikos Kazantzaki “Udhëtim nëpër Itali, Egjipt, Sinai, Jerusalem, Qipro, More”.
Vend të rëndësishëm zënë edhe autorët më përfaqësues dhe më të fuqishëm të prozës bashkëkohore shqiptare: Fatos Kongoli me romanin e tij të fundit “Njeriu me fat”, si dhe Besnik Mustafaj me librin “Autoportret me teleskop”.
Pa harruar edhe veprat e akademikut shqiptar, Rexhep Qosja, me pesë vëllimet e tij të deritanishme të Ditarit “Dëshmitar në kohë historike I, II, III, IV, V”.
Gjithsesi, pavarësisht pretendimeve të shtëpive botuese se librat e tyre janë më të shiturit në treg, shifrat ekzakte mund të konfirmohen vetëm në Zyrën e Tatimeve.
