Muzikanti, producenti dhe dizajneri amerikan Pharrell Williams do të pasojë Virgil Abloh si drejtor artistik për koleksionet e burrave në Louis Vuitton.
Emërimi hyn në fuqi menjëherë dhe koleksioni i tij i parë do të debutojë në qershor gjatë Javës së Modës në Paris.
“Vizioni i tij përtej modës padyshim që do ta çojë Louis Vuitton drejt një kapitulli të ri dhe shumë emocionues,” tha Pietro Beccari, drejtor ekzekutiv i Louis Vuitton.
Lajmi vjen pak më shumë se një vit pas vdekjes së Virgil Abloh në nëntor 2021, në moshën 41-vjeçare për shkak të kancerit.
Williams, i cili ka fituar 13 Grammy, njihet më shumë për karrierën e tij muzikore, megjithëse 49-vjeçari ka dhënë kontribut në fushën e modës duke bashkëpunuar edhe me emra si Tiffany & Co., Moncler dhe Adidas.
Se çfarë do të sjellë Williams për LV mbetet për t’u parë. Kurioziteti për punën e tij është i madh.
