Niki Delijorgji, ish-Miss Shqipëria dhe vajza e biznesmenit Mihail Delijorgji, pranoi biseksualitetin duke treguar edhe historinë e saj të dashurisë me një vajzë.
21-vjeçarja jeton në Londër dhe thotë se për të, bota ideale do të ishte ajo ku njerëzit i trajtojnë kafshët të barabartë. Mes jetës si modele dhe daljeve të shpeshta me shoqërinë, ajo tregoi edhe se i pëlqen që herë pas here të konsumojë marijuanë sepse mendon se është më e shëndetshme sesa cigarja apo alkooli.
“Kur kam qenë 14 vjeçe u dashurova me një vajzë dhe nëse shikoj një femër të bukur, më kalon në mendje që pse jo, mund të shkoja me të.”, u shpreh ajo e ftuar në “Thumb”.
E pyetur cila nga vajzat e ekranit shqiptar do t’i pëlqente, Niki tha se asnjëra nuk është në shijet e saj sepse i pëlqejnë vajzat e një stili që këtu nuk e gjen.
“Tipi im për vajzat është një femër më shumë si burrë. Këtu nuk është se gjen femra të tilla, janë pak si shumë bitchez dhe s’më pëlqen kjo.”
Sa për marrëdhënien me babain, ajo e përshkroi duke e quajtur veten “të adoptuar” dhe tha se ai nuk e kundërshton për gjërat që bën, duke qenë se në moshën e saj i ka kaluar edhe vetë.
Niki tha edhe se po të ishte për të, s’do të vinte fare në Shqipëri; s’i intereson fare ky vend.
“Shqipëria është një zero për mua, vij këtu vetëm për punë dhe kaq.”
