Në koncertin e mbajtur në Mitrovicë, Unikkatil refuzoi fillimisht të performonte “Ju ha për s’gjalli,” diss-in legjendar kundrejt Hysenit (Prince Double H). “Po e lëmë rehat Hysenin sot. Më mirë shajmë serbët se shqiptarët,” i tha ai turmës, që nuk u dorëzua. Unikkatil u detyrua dhe e këndoi këngën që s’ishte përfshirë në repertor.
Prive mëson se prej kohësh një ndërmjetës po përpiqet të shuajë konfliktin mes Viktor Palokaj (Unikkatil) dhe Hysenit. Synohej që të arrihej paqja para koncertit në Mitrovicë ky Hyseni është rritur.
Për Prive, Prince Double H tha se është e vërtetë që disa dashamirës kanë tentuar t’i japin fund beef-it. “Kam pasur mundësinë ta pengoj koncertin, që të mos ketë koncert hiç, po ndërmjetësit më kanë bindur të mos e bëj këtë me shkak ‘bashkimin e trojeve shqiptare dhe Mitrovicës,” tha ai. “Ka pasur sinjale që do të jenë të gatshëm t’i japin fund konfliktit për hir të rinisë, të shqiptarisë, që të bëhemi të dy shembull për rininë. Është garantuar që në koncert s’do të ketë sharje apo diss kundër meje.”
Duke marrë parasysh se kushti nuk u plotësua, shanset për pajtim u zeruan. “Justifikimi ‘iu përkul fansave’ nuk vlen. Burri burrë e mban fjalën dhe qëndrimin sikur burrë dhe mund të arsyetojë para fansave. Nuk ndërron mendje si era,” përfundoi ai.
