Ky është muaji i ndryshimeve të papritura që as nuk jua merrte mendja që do të vinin! Shumë diskutime do të ketë rreth parave. Momenti më i papritur do të jetë ai i 4 nëntorit kur Hëna e Plotë mund t'ju shkaktojë disa telashe që lidhen me financat. Normalisht, ky do të ishte një moment shumë i mirë për të diskutuar rreth përfitimeve që merrni nga kompania juaj, por duke qenë se pozicioni i Uranit (planeti i të papriturave) s'është në anën tuaj, shtyjini marrëveshjet për një moment të dytë. 

Ç'mund të ndodhë? Për shembull, ti mendon se kërkesa juaj për rritje rroge do të pranohet lehtësisht, por mund të zbulosh që të është refuzuar, shtyrë, apo reduktuar papritur. Në një muaj si ky është mirë të mos i merrni gjërat të mirëqëna pasi mund të rezultojnë ndryshe nga ç'shpresoni ju. Strategjia më e mirë është të mos supozoni për asgjë këtë nëntor. 

Një shpenzim që s'e prisnit mund t'ju dalë papritur, prandaj bëni kujdes. Saturni do t'ju kërkojë të jeni praktikë dhe ta shihni situatën siç është në të vërtetë. Mos shpenzoni kohë duke u ankuar për padrejtësitë që po ju bëhen, por gjeni një zgjidhje për gjërat. Ju duhet thjesht të prisni, derisa të vijë momenti kur gjërat të bëhen mirë. 

Dy javë më vonë, një eklips hënor në Dem do të ndodhë në shtëpinë tuaj të dytë, atë të ardhurave. Mund të dëgjoni për fundin e një burimi të ardhurash dhe fillimin e një tjetri. Universi nuk i toleron shumë boshllëqet dhe do të gjejë një tjetër mënyrë për t'ju sjellë para. Pas shumë përpjekjeve do të marrësh rritjen që kërkove. 

16 nëntori do të jetë një periudhë e mirë për ju, sidomos në anën e karrierës. Një njeri shumë i rëndësishëm ka mbetur shumë i kënaqur nga performanca jote në të shkuarën. Prandaj, prisni të merrni lajme të mira papritur që lidhen me anën tuaj profesionale. 

Kontrollo herë pas here llogaritë bankare dhe kartat e kreditit, për t'u siguruar që nuk ka ndodhur asnjë ndryshim i paautorizuar. Nevoja për të mbrojtur veten do të jetë kryefjalë gjatë nëntorit. Nëse po përjetoni një divorc, 19 nëntori do të jetë finalizimi i procesit. Nëse dikush ju ka para borxh, mund t'i merrni të gjitha rreth kësaj date, ose të paktën një pjesë të mirë. Eshtë e vërtetë që nëntori do t'ju gjejë me makinë llogaritëse para, por s'mund të bëni asgjë për këtë. 

Përsa i përket romancës, nuk ka shumë të reja gjatë këtij muaji. E gjithë energjia juaj është fokusuar tek paratë dhe karriera. Bëni durim sepse dhjetori do të jetë shumë herë më i thjeshtë dhe do t'i shijoni siç duhet pushimet! 

Një lidhje e fortë mund të bëhet papritur e paqëndrueshme dhe personi në fjalë mund të jetë partneri juaj në biznes, i dashuri i shumë viteve, apo bashkëshorti. Bëni kujdes pasi gjërat mund të trazohen pas 4 nëntorit (ose 10 ditë pas kësaj date). Krejt papritur mund të përballeni me një situatë të pakëndshme që përfshin njeriun tuaj shumë të afërt dhe kjo situatë, kërkon marrjen e një vendimi. 

Gjatë këtij muaji s'do të keni shumë kontroll mbi gjërat sepse Marsi është në shenjën tuaj të kundërt, Akrepin për herë të parë pas 2 vitesh. Gjatë kësaj kohe duhet të jeni bashkëpunues dhe të mos këmbëngulni për të dalë e juaja. Nëse përpiqeni të manovroni mënyrën e të menduarit, do të takoni një tjetër forcë që do t'ju surprizojë.

Nëse partneri juaj romantik ose në biznes nuk ju shokon me një lajm të papritur, me një sjellje të çuditshme apo duke ju treguar aksidentalisht diçka që t'ju mërzisë, jeni JU ata që do shokoni partnerin. Eshtë koha për t'i bërë gjërat e qarta. Nuk keni insistuar kurrë në liri dhe pavarësi më shumë seç po e bëni tani. Si Dem që jeni përpiqeni të mos jeni rebel, por gjatë kësaj kohe mund të mësoni informacione që kanë qenë të fshehura deri tani. Muajt e fundit ka filluar zyrtarisht procesi i rritjes! 

7 ditë pas eklipsit të 4 nëntorit do të konfirmoni zyrtarisht një vendim të rëndësishëm që keni marrë. Aty nga 19 nëntori, një mundësi e re apo një kontratë do t'ju kërkojë të lëvizni në një vend të largët. Të gjitha ofertat që keni marrë deri tani kanë qenë interesante, por në vijim tregoni kujdes në lidhje me termat e kontratës. Ndryshimi do të vijë më shpejt nga ç'e mendoni. Nëse keni lindur (+/- 5 ditë) 18 majit, do të ndikoheni më shumë se të tjerët nga eklipsi i 19 nëntorit. 

Në lidhje me marrëdhëniet që keni do ta keni të pamundur t'i mbani përbrenda ndjesitë tuaja. Nëse do të zgjidhni ta vazhdoni lidhjen bëjeni, por kujdes me çfarë thoni pasi nuk mund të ktheheni më pas. Karriera po shkon mirë dhe duke patur mbrojtjen e Jupiterit do të shihni mundësi të reja shumë shpejt. 

2022 për ju vjen me shumë përgjegjësi, kështu që duhet të tregoni sa shumë po përpiqeni. 

Copyright Anabel.al / Ndalohet ribotimi pa lejen e redaksisë.