Harry Styles ka marrë sërish gjithë vëmendjen e internetit, jo me ndonjë këngë të re, por me lançimin e linjës së tij të lodrave seksuale.
Ylli i dikurshëm i “One Direction” ka prezantuar koleksionin më të ri nga marka e tij Pleasing, një brand me qasje neutrale ndaj gjinisë, përmes një videoje të postuar në Instagram të premten, më 25 korrik.
Në video shfaqet vetë Harry teksa përgjigjet në telefon dhe shkruan një mesazh në një bllok shënimesh:
“Please yourself like you mean it” (kënaqe veten siç duhet). Videoja mbyllet me zërin e tij karakteristik dhe joshës që shqipton po këtë fjali.
Koleksioni më i ri quhet “Pleasing Yourself”, dhe përfshin dy produkte që Harry i përshkruan si “mjete intimiteti” që “e vendosin kënaqësinë aty ku i takon: në duart e tua.”
View this post on Instagram
Këto produkte janë:
Vibratori me dy anë "Pleasing Double-Sided Vibrator"
Lubrifikanti "Pleasing Lube"
Produktet janë krijuar në bashkëpunim me autoren dhe edukatoren e seksit, Zoe Ligon, dhe janë menduar për të kënaqur “një kaleidoskop trupash, dëshirash dhe kuriozitetesh.” Çmimet janë përkatësisht $68 për vibratorin dhe $25 për lubrifikantin.
View this post on Instagram
Këto produkte do të shiten fillimisht vetëm në pop-up dyqanin The Pleasing Pleasure Shop në New York City, që hapet më 25 korrik në orën 11:00. Pas një periudhe të kufizuar, do të jenë të disponueshme edhe në faqen zyrtare të Pleasing.
Videoja u bë menjëherë virale dhe interneti u mbush me meme. Disa nga komentet më të spikatura të fansave përfshijnë:
“A mund të kemi një ngjyrë manikyri që shkon me vibratorin tonë të ri?”
“Jam krenare që jetoj në të njëjtën kohë me Harry Styles që shet lodra seksi.”
“Harry Styles po shet vibratorë. Po t’ia thoja vetes sime 12-vjeçare këtë gjë, do t’i ndalonte zemra nga shoku.”
Kjo linjë e re vjen katër vite pasi Harry lançoi Pleasing në vitin 2021. Fillimisht si një markë e kujdesit të lëkurës dhe manikyrit, ajo është zgjeruar me veshje, aroma, aksesorë, dhe tani, produkte për të rritur.
