Ishte një kohë - vera e vitit 2023 - kur Hailey Bieber nuk shihej kurrë pa një çantë të madhe nën krahun e saj. Nuk kishte rëndësi se çfarë ishte duke bërë apo çfarë kishte veshur: një bluzë prej sateni "Prada", e kombinonte me një çantë “qese” Bottega Veneta jeshile dhe një version portokalli i së njëjtës çantë përdorej për palestër.
Në gati dy vjet që nga ajo kohë, Bieber ka përqafuar një sërë çantash të tjera, megjithëse duket se ajo është rikthyer së fundmi te dashuria e saj e vjetër.
Bieber iu bashkua Kendall Jenner dhe Kylie Jenner për një darkë, ku ajo ringjalli fiksimin e saj me çantat “qese”. Sipërmarrësja e Rhode Beauty e mbajti pamjen e saj të thjeshtë me një bluzë të bardhë dhe xhinse me këmbë të gjera Agolde indigo, mbi një palë taka të zeza me majë.
Por ajo e ngriti gjithë veshjen e saj me një pallto Toteme me gëzof, të gjatë deri poshtë gjunjëve. Për pjesën e aksesorëve, ajo mbante syzet e saj të holla Otra dhe çantën e zezë të famshme nën krah.
Pra, edhe pse kjo çantë e zezë është pak më elegante se çantat e dikurshme me ngjyra të ndezura, Hailey Bieber është - edhe një herë – e dashuruar kokë e këmbë me modelin.
Artikuj të sugjeruar:
- Hailey Bieber po rikthen një trend të madh të veshjeve nga mesi i viteve 2000
- Mami të reja mblidhuni! Hailey Bieber ndau një këshillë super të rëndësishme bukurie
- Hailey Bieber ka krijuar veshjen perfekte casual për pranverë
- Hailey Bieber na dha 4 ide të përkryera për xhaketat që duhet të veshim këtë pranverë
- Kendall dhe Hailey bëjnë xing sërish: Bluzat e tyre do të doni t’i vishni çdo ditë!
Burimi: Vogue
