Foto: Gypsy-Rose Blanchard/ Instagram

Pas përfundimit të lirimit me kusht, Gypsy Rose reflektoi mbi të kaluarën, kërkoi falje për rolin e saj në vdekjen e nënës dhe iu drejtua ish-partnerit që kreu krimin.

Gypsy Rose Blanchard, e cila u bë e njohur ndërkombëtarisht pas përfshirjes së saj në vrasjen e nënës Dee Dee Blanchard në vitin 2015, ka përfunduar zyrtarisht lirinë me kusht dhe ka ndarë një mesazh të fuqishëm në Instagram:

“Ky kapitull i ri është i shërimit. I rritjes. I rimarrjes së jetës sime.”

Në postimin me titull “Duke thyer heshtjen”, Gypsy reflektoi për herë të parë në mënyrë të hapur pas përfundimit të dënimit dhe tha se mbante përgjegjësi të plotë për veprimet e saj:

“E pranova dënimin tim dhe peshën e zgjedhjeve të mia. E kam mbajtur atë barrë për vite me radhë. Tani, nuk i detyrohem të shkuarës asgjë më shumë.”

Ajo gjithashtu shënjestroi ish-të dashurin e saj, Nicholas Godejohn – personi që vrau nënën e saj me thikë – duke e quajtur “një njeri thellësisht të çrregullt” që “e dinte shumë mirë dallimin mes të drejtës dhe të gabuarës”. Ajo theksoi se ai e mori vetë vendimin për të kryer vrasjen dhe se “ai nuk përjashtohet nga pasojat”.

Nicholas Godejohn

Në vitin 2015, Nicholas Godejohn vrau Dee Dee-n në banesën e saj ndërsa Gypsy fshihej në tualet. Ajo ishte viktimë e një forme të rëndë abuzimi të quajtur "Munchausen by proxy", ku nëna e saj e detyronte të përdorte karrocë, i rruante kokën dhe e detyronte të merrte barna që nuk i nevojiteshin, për ta paraqitur si të sëmurë rëndë.

Gypsy-Rose Blanchard me nënën e saj Dee Dee Blanchard

Gypsy gjithashtu akuzoi Godejohn për sjellje manipuluese edhe pas burgosjes, duke përmendur marrëdhënie të errëta që ka pasur me gra të tjera gjatë kohës që ndodhej në burg, përfshirë një grua të quajtur Dawn Bowker, të cilën ajo thotë se ai “e tërhoqi në botën e tij të çuditshme”.

Në fund të postimit, ajo falenderoi ata që e mbështetën, por edhe ata që dyshuan:

“Ju më dhatë motivimin të vërtetoj të kundërtën. Dhe e bëra. Unë jam ende këtu. Jam më e fortë. Jam gati të jetoj jetën time siç dua. Tani s’mund të bëni asgjë... përveçse të më shikoni.”

_{Burimi: People}