Disa ditë më parë, intervista ku Meghan Markle fliste rreth mëmësisë, bëri xhiron e botës, për një arsye të vetme. Çdo fjalë e saj ishte e vërtetë, prekëse dhe shumë aktuale sot.

"Çdo grua, veçanërisht kur është shtatzënë, bëhet shumë e ndjeshme. Kjo e ka bërë edhe më sfiduese këtë periudhë. Pastaj vjen bebushi, ju e dini. Pastaj je gjithë kohës duke u përpjekur mes të qënit një nënë e re apo një bashkëshorte e re.

Faleminderit që më pyete, sepse jo shumë veta më kanë pyetur nëse unë kam qenë mirë apo jo pas lidnjes së djalit.. Por kjo që ndodh pas skenave është diçka shumë e vërtetë të cilën duhet ta përjetosh."- u shpreh ndër të tjera dukesha.

E njëjta video, u postua sot në Instagram-in e Anabel_Hostel, me një përshkrim të veçantë që inkurajon dhe vlerëson nënat e reja, të cilat gjenin veten tek çdo fjalë që Meghan tha në atë intervistë. Më poshtë, do të gjeni disa nga komentet:

"Gjeta vetveten! Që në javën e parë pas lindjes njerëzit përrëth nisën të shqetësoheshin për barkun tim..."

"E çuditshme në Shqipëri, njerëzit e tu të afërt të bëjnë të ndihesh keq, kurse në Britani sa të shohin me fëmijë të vogël fillojnë me komplimenta dhe njerëz që nuk të njohin farë përpiqen të të ngrenë humorin."- shkruan dikush, por kujtojmë këtu që një sfidë si kjo më lartë, me të cilën janë përballur nënat e reja nuk ka njohur vende, shtresë ekonomike apo status (kujtoni këtu dukeshën).

Mes shumë komenteve, një tjetër zonjë ndau historinë e saj të depresionit pas lindjes. Më poshtë, ajo tregon se si askush nuk i kishte folur për të dhe sa në faj ndihej që nuk e ndjeu menjëherë dashurinë për vajzën e saj të porsalindur.

"Do të lutesha ta prekje më shumë këtë temë, sidomos post lindjen. Jo vetëm hormonet por dhe ato ndjenjat që kemi tek marrim fëmijën në krahë. Jo ç'do nënë e ka dashuri me shikim të parë ndjesinë ndaj fëmijës së sajë. Kam ndjerë urrejtje ndaj vetes përse nuk e ndjeva dashurinë për time bijë kur ma dhanë në gji, urreja çdo qelizë timen përse nuk arrija të ndjeja atë dashurinë e magjishme ndaj kësaj krijese që sapo kisha sjellur në jetë, atë dashuri që ta tregojnë si diçka sublime në momentin që vë sytë në fëmijën tënd.

Gjithë gratë që kam njohur më thonin se sa e mrekullueshme është mëmësia, dhe sa bla bla bla të zbukuruar ka ajo por askush nuk më tregoi që ka gra që nuk ndjejnë ASGJË. I shërbeja time bije me një përkushtim të pa parë dhe nuk flija duke pasur frikën se mos nuk merrte frymë, qaja tek e shikoja aq të vogël dhe të pa mbrojtur, më dhimbte shpirti sa herë e vija në gji, por skish rëndësi dhimbja ime por mirqënia e saj dhe kur shkoja në një dhomë tjetër për të marr diçka kisha në vesh ekon e të qarës së saj dhe pse ajo nuk qante.

Dhe pas të gjitha këtyre un akoma nuk ndjeja atë "dashurinë" sublime që na pikturojnë nga jashtë e nuk na tregohet e vërteta që ka dhe nëna që nuk ndjejnë dashurin me shikim të parë. M'u deshën tre muaj, anti depresiv, terapi që të merrja veten dhe të kuptoja që përkushtimi im ndaj time bie deri në sfilitje ishte shenja më e lartë e dashuris sublime, thjesht duhej kohë që unë të përpunoja këtë ndjenjë të re. Ju lutem flisni më shumë për këto gjëra sepse ka gra që skanë asnjë mbështetje dhe nga një post lindje e thjeshtë mund të dëmtohen për jetë."- shkruan ajo.

Një histori e ngjashme është publikuar kohë më parë në Anabel.al dhe sigurisht vinte si pasojë e depresionit pas lindjes, rreth të cilit mund të lexoni më shumë këtu.