Me sa duket, Gigi është zënë totalisht në befasi nga komentet e fundit të Zayn në podkastin "Call Her Daddy". Gjatë intervistës, këngëtari deklaroi se nuk mendon që lidhja e tyre ka qenë dashuri, pavarësisht faktit se ishin bashkë për gjashtë vite.
Zayn u shpreh:
“Nuk mendoj se ishte dashuri dhe, për të qenë i drejtë, dua ta them për publikun: do ta dua gjithmonë G-në [Gigi-n], sepse ajo është arsyeja pse fëmija im është në këtë botë dhe kam respektin maksimal për të. Do ta dua gjithmonë, por nuk e di nëse kam qenë ndonjëherë i dashuruar me të.”
Sipas burimit për The Sun (raportuar edhe nga Daily Mail), reagimi i Gigi-t ka qenë i fortë:
“Nuk ka asgjë respektuese në të folurit keq për nënën e fëmijës tënd. Gigi u befasua plotësisht. E gjitha është kaq e panevojshme dhe patetike. Duket si një përpjekje e ulët për të marrë vëmendje para publikimit të albumit të tij të ri.”
Burimi shtoi:
“Si mund të thotë që nuk ka qenë kurrë i dashuruar me të? Ata ishin bashkë për gjashtë vite. Madje të nënkuptosh që vajza e tyre nuk ishte fryt i një marrëdhënieje me dashuri është mizore përtej fjalëve. Gigi gjithmonë është përmbajtur nga çdo fjalë e keqe ndaj tij, prandaj kjo e bën edhe më poshtëruese situatën.”
Së fundmi, Gigi foli për bashkëprindërimin me Zayn në një intervistë për Vogue, duke thënë:
“Unë dhe Zayn i planifikojmë oraret e kujdestarisë me muaj më parë. Kjo nuk do të thotë që gjërat nuk ndryshojnë ndonjëherë, por ne e ndihmojmë njëri-tjetrin dhe i qëndrojmë pranë njëri-tjetrit.”
Ajo shtoi se mes tyre ekziston ende “dashuri dhe një ndjenjë solidariteti.”
-
Gigi Hadid sapo na tregoi si të dukemi bukur, pa shumë përpjekje
12 Shkurt, 14:24 -
