Sot të gjithë u zgjuam me një koment surprizues nga Eva Murati, e cila foli për dasmën e ish-partnerit të saj, Genar Topallit. Eva, në një koment në TikTok (i cili u bë shumë shpejt viral), tha se “nuk donte që miliona shqiptarë t’i dëshironin vdekjen, sepse mund të mburrej me para që mund të jenë të vjedhura nga fondet publike”.
Më tej, shtoi edhe se e di se Cindy (e shoqja e Genarit) e ndjek çdo ditë (në rrjetet sociale), por supozoi se ajo e kishte bërë këtë edhe një ditë pas dasmës, çka për moderatoren ishte shumë patetike.
Por, pas gjithë xhiros që bëri kjo deklaratë në rrjet, Eva e sqaroi situatën në një reagim për “Live From Tirana”, ku u shpreh:
“Besoj se shumë njerëzve u ka ardhur si bombë, pasi nuk është në natyrën time të shkruaj kështu, apo të merrem me deklarata të tilla. Më vjen keq për gjithë këtë sepse rashë totalisht në kurth. Ishte një përgjigje e kthyer pas provokimeve të njëpasnjëshme në anglisht nga e njëjta adresë dhe për t’ia mbyllur gojën u krijua kjo situatë e pakëndshme”.
Eva shtoi:
“E them me bindje “kurth”, sepse gazetat e morën në mënyrë të njëpasnjëshme komentin gjë që nuk kishte ndodhur më parë. Fatkeqësisht dhe padashur, u bëra pjesë e një telenovele që realisht nuk dua të jem pjesë. Jetë të lumtur për të gjithë!”.
Ja pra, kaq shpejt u shua edhe një dramë!
