Foto: Emily Ratajkowski/Getty

Emily Ratajkowski nuk ka asnjë mik të ngushtë që është burrë heteroseksual dhe për të kjo është mëse në rregull.

Në një intervistë të re për Elle UK, modelja dhe aktorja 34-vjeçare deklaroi se në jetën e saj nuk ekzistojnë burra heteroseksualë që nuk kanë një rol shumë specifik.

“Më pëlqejnë ende burrat,” tha ajo, “por nuk kam asnjë burrë heteroseksual në jetën time, përveç nëse janë interes romantik.”

Ajo shton:

“Në hierarkinë e nevojave, kjo është në majë të piramidës, gjë që më pëlqen. Burrat janë kënaqësi dhe argëtim, por nuk janë pjesë e thelbit tim. Pjesa tjetër e jetës sime është komuniteti – gratë, njerëzit queer dhe të qenit nënë.”

Ratajkowski ka një djalë 4-vjeçar, Sylvester Apollo Bear, me ish-bashkëshortin e saj Sebastian Bear-McClard. Pas divorcit të saj në 2022, ajo kaloi pak kohë duke “shijuar lirinë” si single, para se të rikthehej në skenën e takimeve.

Gjatë kësaj periudhe, u përfol për lidhje me disa emra të njohur të showbiz-it, por vetë ajo deklaroi në podcast-in e saj "High Low With EmRata" se tërheq vetëm "llojin më të keq të burrave."

Tani, Emily thotë se “të mos i vendosësh burrat në fokusin tënd është e mrekullueshme,” duke shtuar:

“Në botën tonë, burrat kanë zënë një hapësirë të madhe, por ajo që kam gjetur në vend të kësaj është komuniteti.”

Ky komunitet përfshin dhe mikeshën e saj të vjetër Lena Dunham, e cila ka shkruar një rol për Ratajkowski-n në serialin e ardhshëm të Netflix-it, "Too Much" – roli i saj i parë i rëndësishëm që prej vitit 2019.

“Nuk pranoj shumë oferta,” thotë ajo. “E vlerësoj shumë kontrollin. Në të 20-at, nuk kisha shumë kontroll në karrierë. Tani më pëlqen të krijoj, jo të jem thjesht një shtesë në një projekt. Me Lena-n, kam ndikuar shumë në formimin e personazhit – dhe kjo ishte shumë argëtuese.”

Personazhi që luan, sipas Elle UK, është “e dashura influencuese e ish-it të protagonistes” – një rol i shkruar për Emily-n, me kontributin e saj, por që nuk duket se ka të bëjë me gruan që është sot.

“Jam shumë e intriguar nga kjo dekadë e jetës sime,” thotë ajo për të 30-at.

“Mamaja ime më lindi në moshën 39-vjeçare dhe gjithmonë i romantizonte të 30-at si kohë fuqizimi dhe eksplorimi personal për një grua. Unë tani po e jetoj dhe e ndjej vërtet këtë gjë.”

_{Burimi: Glamour}