Egla, e ftuar në “She’s On Top”, ka folur për planet e saj të rikthimit si aktore në teatër dhe në kinema, me projekte të reja. E pyetur nga Argjira Spanca, moderatore e programit, Egla bëri një rezyme të jetës së saj deri pas daljes nga “BBVA 3”, duke u shprehur:
“Kam qenë shumë mirë, sigurisht që kam marrë dhe një periudhë për t’u rikuperuar edhe pas dëmit fizik, që tani është bërë histori. Kështu më shkoi gjysma e vitit në një mbyllje totale. Tani dhe mund të eci si këto modelet që keni këtu. Jam shum mirë të them të drejtën. Falënderoj për ftesën, është kënaqësi dhe nder për mua të gjendem në mes të kaq shumë bukurie. Edhe siç thotë Dostojevski tek “Idioti”: Bukuria do shpëtojë botën.
Më tej, tregoi për projektet e reja: “Kemi projekte të reja. Teatri është në planet e mia afatshkurtre. Pastaj kemi shpërndarje me përqëndrim, me qitje të afërt dhe të largët nëpër kinematografi dhe projekte”.
“Me pak fjalë, ti po bën plane për filmin tënd?”, e pyeti Argjira dhe Egla, iu përgjigj:
“Unë s’po bëj asnjë plan për filmin tim sidomos, sepse unë jam aktore. Nuk kam ndërmend të bëj ndonjëherë producenten e filmave, është një shtysë që nuk më intereson të them të drejtën”, duke vijuar se po përgatitet për personazhin e radhës.
A e dimë personazhin e radhës? Jo, sepse Egla e preu shkurt bisedën, duke mos dhënë më tepër detaje.
Rikujtojmë se Egla ka fituar edicionin e tretë të "Big Brother VIP", ku u bë një ndër personazhet më të përfolur.
Artikuj të sugjeruar:
