Pas rolit në filmin “Back in Action” që shënoi rikthimin e saj në aktrim pas një mungese 11-vjeçare, Cameron Diaz ka nënshkruar bashkëpunimin e saj të radhës. me Netflix. Aktorja do të jetë pjesë e një tjetër filmi aksion-komedi, “Bad Day”.
Regjisor i filmit do të jetë Jake Szymzanski, i njohur për serialin “Jury Duty” dhe filmin “Mike and Dave Need Wedding Dates”.
Skenari i “Bad Day” është shkruar nga Laura Solon dhe paraqet në një nënë beqare që përpiqet të mbajë një premtim të vogël ndaj vajzës së saj. Siç raportohet, projekti përshkruhet si “një version komik i Falling Down”, filmit dramatik të vitit 1993 nga Joel Schumacher, me Michael Douglas në rolin e një babai që humbet durimin ndërsa përpiqet të shkojë në festën e ditëlindjes së vajzës së tij.
Cameron Diaz, who after a near-decade hiatus made a return to acting this year, has signed on to star in #BadDay, an action comedy directed to be by Jake Szymanski https://t.co/uB4Z7bssmT pic.twitter.com/kLJQpEvGKB
— The Hollywood Reporter (@THR) July 15, 2025
Ylli 53-vjeçar i kinematografisë, e cila ka luajtur në filma të suksesshëm si "There's Something About Mary", "The Holiday", "Bad Teacher" dhe seriali "Shrek", u tërhoq nga aktrimi në vitin 2014, pavarësisht se ishte në kulmin e karrierës.
Ajo u rikthye në vitin 2024 me "Back in Action", pasi u kontaktua nga menaxhmenti i mëparshëm i Netflix, i cili i ofroi asaj një pagë të lartë dhe mundësinë për t'u ribashkuar me kolegun e saj në "Annie", Jamie Foxx.
