Lajla Kamata, e ëma e Heidi Baçit, ka qenë e ftuar në “Cherry on Top”, në një intervistë përballë Bora Zemanit, ku foli ndër të tjera edhe për romancën e Heidit me Romeon.

Lajla tha se nga gjestet, e bija i duket e dashuruar. “E kuptoj nga gjestet që është e dashuruar”, tha ajo, duke theksuar se e kupton nga mënyra si e sheh Romeon dhe se si e priti kur u ndanë.

Sa i përket pyetjes nëse do ta ‘braktisë’ Heidi Italinë për dashurinë, Lajla u tregua po ashtu korrekte, duke thënë se është në dorën e së bijës.

“Duke e njohur Heidin, ajo do ta shumë ketë të vështirë ta lërë Italianë, se është e lidhur me punën shkollën e shoqërinë. Por ndoshta dashuria është e aq e fortë sa të bëhet shkak që të kthehet, ia lëmë Heidit (në dorë)”.

Ajo tregoi edhe arsyen pse i shoqi, Genti, nuk e ka surprizuar ende Heidin në “BBVA 3”.

“Nëse Heidi do jetë në finale, mendoj se Genti do shkojë për surprizë. Ai nuk ka dashur kurrë që të jetë hija e saj. Nuk ka dashur që të lidhet emri i tij me Heidin si në rastin e parë (referuar ngjarjes në “Grande Fratello”). Nuk është eksperiencë e lehtë. Genti, ngaqë bëri suprizën dhe doli sikur po komandonte jetën e Heidit dhe nuk deshi të bënte të njëjtën gjë. Por realiteti nuk është ashtu, Heidi ka qenë totalisht e lirë”, u shpreh Lajla, duke shtuar se ai do të ishte shumë i lumtur që ta takonte.

Lajla tha edhe se Genti, sigurisht që e ka një mendim për Romeon, por do t'ia thotë vetë banorit dhe Heidit.

Një rikujtesë për ngjarjen në “Grande Fratello”:

Heidi, 26 vjeçe, gjatë qëndrimit në “Grande Fratello”, krijoi një marrëdhënie me aktorin Massimiliano Varrese, 47 vjeç. Kjo lidhje, duket se inatosi të atin e Heidit, Gentin, i cili takoi të bijën për t’i thënë se kishte gabuar dhe duhet të hiqte dorë nga raporti në fjalë.

“Erdha këtu sepse të dua: zgjedhja jote e gabuar na habiti. Mami dhe unë jemi të tronditur dhe të shkatërruar. Ti dhe një burrë më i madh se unë, i cili do të dalë në pension së shpejti. Nuk të njoh më,” ishin fjalët e Gentit, i cili e pikturoi Massimiliano-n si një njeri të dhunshëm dhe manipulues.

“Nuk ke arritur të vendosësh një mur me një person që të shkakton stres. Mami nuk të shikon më nga ai moment. Unë jam këtu sepse nuk do të lejoj askënd ta trajtojë keq vajzën time. Nuk lejoj askënd të shkelë dinjitetin e saj”.
Pas fjalëve të tij, Heidi u përball me Massimilianon duke i thënë ndër të tjera: “Të respektoj, të admiroj, nuk je i dhunshëm. Babait tim nuk i pëlqen të shohë dikë që ka një qëndrim shtypës ndaj meje. Përfundimi është gjithmonë i njëjtë: pëlqimi ishte, unë u magjepsa nga ti, por le t'i japim fund. Jemi njerëz të ndryshëm.”

Ajo vendosi të largohej nga gara “për arsye personale”, ndonëse ndjekësit kanë rënë dakord që arsyeja ishte frika se mos kishte zhgënjyer nënën dhe babain.
“Tani e kuptoj se nga çfarë kishte frikë Heidi dhe nuk jam unë. Ajo me siguri do të ketë frikë nga gjykimi i babait të saj,” u shpreh 47-vjeçari.

Sjellja e Gentit është kritikuar ashpër në rrjete sociale. Pavarësisht se disa kanë vënë në dukje, sipas tyre, sjelljet “manipuluese” të Massimiliano-s, të shumtë janë ata që kanë dënuar vendimin e të atit për të kontrolluar jetën e Heidit.