Mos mendo se të harruam! Si me magji, do të të përmbledhim 5 orë emision, shkurtimisht, sepse e meriton. Po të kursejmë torturën që kaluam ne të tjerët që e ndoqëm të gjithin, ndaj na falendero më vonë.
#1. Faktorizojmë me zor Mirin dhe Stinen
Nuk mund të durojmë edhe një edicion dy pleq (dhe s'ka të bëjë me moshën) që e shtyjnë gjithë Big-un duke vendosur janë apo s'janë miq me njëri-tjetrin. U konsumua me kohë kjo taktikë, shembulli më i freskët: Rozana me Laertin; dhe e dyta: askujt nuk i intereson marrëdhënia me Stines dhe Mirit.
#2. Përmendet fjala "qorr" dhe Brikena ofendohet
Iliri, teksa bënte bakllavanë, tha se ajo ishte bërë si me një sy qorr, duke sharë praktikisht punën e vet. Mirëpo, për Brikenën kjo fjalë është e ndaluar sepse ofendon Stenaldon, pavarësisht kontekstit të saj. Dhe kjo është e bukura, që pas bujës që bëri Brikena me këtë muhabet, Stenaldos as që i interesoi sepse qartësisht askush s'kishte qëllimin ta lëndonte. E kush do guxonte një herë?!
Stenaldo i tregoi vendin Brikenës, duke ia bërë të qartë që duhet të ndalojë me bamirësinë falas, duke e prekur thellë.
#3. Trekëndëshi Selin-Miri-Lorna
S'e dimë pse po quhet trekëndësh kur dy prej këndeve janë vetëshpallur babë e bijë.
Lorna ka një njohje të vogël nga jashtë me Mirin, që si Lorna, si Miri, shyqyr që e kanë sepse ç'do bënin tjetër brenda. Megjithatë, flirtet mes të dyve s'duken thjesht lojë, por ka shumë faktorë që s'e bëjnë këtë tension të këndshëm. Jo për t'u bërë të bezdisur tani po...martesa e njërit prej tyre është një ngërç i madh për shembull.
#4. Historia e Juelës
Juela tregoi në linjën e jetës një tragjedi që i ka ndodhur 5 vite më parë, ku i dashuri i saj dhe kunata u vranë prej ish-bashkëshortit të kësaj të fundit.
View this post on Instagram
#5. 5 të preferuarit e publikut
Miri, Brikena, Iliri, Stine dhe Kristi. Nëse po vrisni mendjen pse ndodhen tek të preferuarit 2 nga këta emra, vetë e keni fajin që i votuat.
#6. Eliminohet Sabina
Askush s'e priste, as vetë Sabina opinionistja, pavarësisht se u përpoq ta merrte me sportivitet. Ia hodhi fajin mungesës së higjienës për mosekzistencën e lojës së saj brenda dhe ku i dihet, nodhta ajo ka qenë vërtet arsyeja, në fund të fundit Sabina është një nikoqire nga Korça.
#7. Televotimi i radhës
Lore, Juela, Mali, Armela, Stenaldo dhe Lorna janë të nominuarit për herën tjetër. Këta janë 6 të pafatët që mbetën pasi 5 të preferuarit zgjodhën të shpëtonin secili nga një banor së bashku me veten. Pyetja është kë doni të shpëtoni.
Deri atëherë, një Vit të Ri të gëzuar për të gjithë ju dhe familjet tuaja! <3
