Këngëtarja me origjinë shqiptare Dua Lipa ka bërë të ditur se të hënën në 8 shkurt 2016, do të dal kënga e saj e re e titulluar “Last Dance”.
Përmes një postimi në Facebook, Dua ka ndarë me fansat e saj lajmin e mirë. “Faleminderit të gjithëve për mbështetjen dhe dashurinë e madhe. Mezi po prisja ta ndaja me ju. "Last dance" vjen të hënën,” ka shkruar ajo duke postuar dhe kopertinën zyrtare të këngës (foto 2). “Last Dance” është shkruar nga Dua Lipa dhe Stephen Kozmeniuk.
Kujtojmë se Dua është shpallur nga BBC Music Sound 2016 si një nga artistet e vitit 2016 dhe zëri i saj është vlerësuar nga shumë artistë të njohur të cilët mendojnë se ajo është shumë premtuese.
Pas suksesit me dy këngët e saj “New love” dhe “Be the one” ka ardhur koha që të dëgjoni këngën e re nga 20-vjeçarja e talentuar. Vetëm se duhet të prisni edhe dy ditë. Ndërkohë mund të shijoni “Be the one”.
