Zyrtarisht, Dua Lipa ka nënshtetësi shqiptare, të cilën ia dorëzoi presidenti Bajram Begaj.
Ai mirëpriti sot artisten ndërkombëtare dhe vlerësoi talentin e saj fantastik, shpirtin artistik të këngëtares, pa harruar edhe angazhimin e Duas në kauzat sociale, si dhe promovimin e Shqipërisë kudo në botë.
“Është kënaqësi e veçantë që sot presim artisten e madhe Dua Lipa. Them artiste e madhe, por ajo është edhe një vajzë e thjeshtë, që krenarinë më të madhe na e ka dhënë ne, Shqipërisë, Kosovës dhe kudo ku ka shqiptarë nëpër botë”, tha presidenti i republikës së Shqipërisë.
“Rinia shqiptare ju ka shembull dhe ju keni treguar se ëndrrat arrihen duke punuar gjithnjë e më shumë. Ti i ke bërë të gjithë shqiptarët bashkë! Ndaj kam kënaqësinë t’ju jap shtetësinë shqiptare”, u shpreh Begaj.
Dua ndodhet në Shqipëri, për të përmbyllur turin botëror “Future Nostalgia” në sheshin “Skënderben”, në datën 28 nëntor.
Artikuj të sugjeruar:
- A do të jetë falas? Detaje për koncertin e Dua Lipës më 28 Nëntor
- Dua Lipa vjen në Tiranë për koncert, për pak ditë: ‘Mezi po pres t’ju shoh’
- Tangat e personalizuara të Dua Lipës mund t'ju frymëzojnë për surprizën e radhës
- Dua Lipa flet për letërsinë dhe rëndësinë e veprës së Ismail Kadaresë në jetën e saj
